Rurok ng tagumpay ang gustong makamit,
Adhikang natanim sa tarikang isip;
Ikaw nga Ginoo! Ikaw’y galing Langit.
Pinuri kang lipos ng bawat magulang—
Habang gumaganap sa ‘yong katungkulang
Ibigay ang puso sa laksang nilalang,
Lalo’t nagtataglay lilong kapansanan.
O, Mabunying Pantas huwag maduduwag
Matunton ang iyong Paraisong Landas,
Ang laman ng puso ay iyong iyakap;
Tatagang magaling ang pagkakahawak.
Hayaang purihin ang ‘yong ginagawa,
Ehemplong katulad ay Amang dakila
Sa mundong ibabaw ng pagdaralita.
Pebrero 21, 2008
Hiwá Sa Lawa 
Mag-iwan ng puna