Bigote

Bigote
(Panganay nina At at Balbas)

Santambak ang kiliting tumubo
Sa aking bigoteng iniandas ko noon.

Bahagharing bumabawig baligtaran.
(Parang si Marcelo H. del Pilar.)
Kapagka ako’y nagmamakata-makataan
O nag-iinarte sa manipis na tanghalan

Minsa’y pinagpaparausan at pinarurusahan
Ng kabilanang matalas ang dalawang kilay,
Sinasalugsog at sinusuyod
Ang puklo ng baanging balingusaw.

Subalit pamuling susupang,mamamalumpong
At maninigasig ang panunuwahe.

Hawang murok,
Hiwang rurok
Na pisngi
Ng langit
At batik ang bitak na labi
Ang anaki’y karayom nitong sinusulsi

Advertisements