Ang huling tunog ng tambuli
Ay badya ng matagalang paghimbing
Sa sinapupunan ng Panginoon.
Sundalo kang hindi tumunog
Ang panganib at buga ng tinggang apoy
Sa digmaan ng katotohanan.
Ang kislap ng butil ng Rosaryo
Ang bumulag sa mata ng kadigma
At nagbukas sa daraanan ng laksang nananalig.
Ngayong himbing na ang hininga ng Mandirigma,
Huwag nating hayaang makupot ng kadigma ang makipot
Na landas na kaniyang tinahak.
Tá, marami nang nag-alay ng tula kay Tita Cory pero natatangi ang iyong tula… Ihahanay ko ito sa tula ni Bobby Añonuevo na “Corazon”… magaling!
By: oneinamillionrose on Agosto 9, 2009
at 9:16 hapon
Maligayang kaarawan, Tata Raul Funilas… congrats sa bagong lilok na bantayog ni Edith Tiempo. God bless you always.
By: oneinamillionrose on Agosto 9, 2009
at 9:18 hapon
Bagaman hindi ko nakita sa tula mo ang babaeng mandirigma, binabati pa rin kita ng maligayang kaarawan. Isang tagay sa iyo, kaibigan.
By: Roberto Añonuevo on Agosto 17, 2009
at 3:36 hapon