Alaala

src=\”https://tataraul.files.wordpress.com/2009/06/1178705123-hr-134.jpg\”

Alaala

Matigas mang bato ay kayang maukit,

Ng sigwadang hangin at galit na tubig;

Maging kabundukan, palanas at putik

E, ano pa kaya, ang lambot ng isip.

Ganyan, alaala ang iyong katulad,

Malalim magtanim kapag kapuspalad;

Ngunit kung pag-ibig, kayakap, katalad

Di ba’t saginsin ka ng laksang pangarap?

Kaya alaala, pitasin ang bunga,

Na sukdol sa sarap at sakdal ang ganda;

Iyong ibalabal sa lamig ng dusang

Laging nananaboy upang lumuha ka.

Raul Funilas

Mayo 9, 2007

Advertisements