Bulaklak
I sa kang bulaklak sa gitna ng hardin,
N a itinatawing ng harot na hangin;
A ko ay nagtangkang ikaw ay pitasin
S ubalit may harang na gagambang bagting.
A king binalangkas na ikaw’y mapitas,
M ulang makita kang may impit na iyak;
K inandong ko’y alon sa lawak ng dagat
I dinidilig kong may tuwang halakhak.
T inik ng sanga mo’y aking iningatan,
A ng iyong talulot aking hinahagkan;
N aroong himasin ang hamog ng nektar
G alawin ang ugat nang mahimasmasan.
P inulak kong bigla at ikaw’y sinamyo,
I kaw’y nagpaunlak at ako’y sinuyo;
T ayo ay naglunoy sa masigwang dapyo
A ting pinagkambal ang bulong ng puso.
S ilay ng pag-ibig,bulaklak, bubuyog,
I to ay hiwagang sadyang nakabalot
N a ating minana sa mundong uminog.
Advertisements
Mag-iwan ng Tugon