Regatta Sonnet
Hulyo 6, 2011
Sa agwanta’t sikil nitong armadahan,
Hayaang umalon itong karagatan;
Dahil ang angkas ko’y ang tulang tugmaan
Na ang gumagaod ay tapang ko’t yabang.
Pinait-pait ko ang pait ng unos,
Upang mapahupa ang sigwa sa laot;
Dahil kinakatam ang takam ng irog
Na nasa ibayong tula’y ihahandog.
Naroon sa tangkal ang laksang kapatid,
Bintang ay rebelyon kaya nakapiit;
Naghihintay sila ng tula ko’t awit
Pantighaw sa uhaw ng hapis pasakit.
Sakaling dumaong regatang may sukat,
Sakya’t hayumahin ang gawak ng layag.
Tulang Pantubigan ni Tata Raul Funilas!
Bagong Puna