Hanapin Mo Ang Bulag Na Alitaptap

Ang mahal kong lelong nang huling mangusap:

Apo, sa gabi ay ikaw’y pumagubat

At iyong hanapin isang alitaptap

Na lilipad-lipad…ngunit ito’y bulag.

Sakaling makita’y kagyat na hulihin,

Hipan mo ang mata sambungkos na hanging

Hinigit sa gaong ng pamimilapil;

Alpasang marahan sa may papawirin.

Hayaang lumipad singtayog ng langit,

Upang magliwanag ang buong paligid;

Dahil kailangang mahawi’ng pusikit

Sobrang paninikip nitong aking dibdib.

Siya’y magagalak sa kanyang liwanag

Na sa aking burol  na ma-alimbukad.

Mayo 13, 200

Solano, Nueva Vizcaya