Sa himlayang moog na sadyang nililok ng isipang uhaw
Ako maagnas hanggang sa sumapit ang Hukumang Banal,
Pakatandaan mong hindi malulusaw imbing pagmamahal
Na inukol sa ‘yo noong ang puso ko’y di pa namamatay.
Lamang, ang hiling ko’y dalawin mo lamang ang puntod kong singaw
Ng sangkalupaang bawat mangingibig pag-ibig ay lantay.
At sakaling iyong makitang may lumot ang moog kong puntod,
Iglap mong likumin at saka ipahid sa panandang kurus.
Oktubre 25, 2009
Sa Punturan ng Pag-ibig
Hardin ng Diwata
UP-Diliman
Laking gimbal ko nang huling dumalaw
Sa puntod mo, giliw, at akoy naluksaw
Walang panandang kurus akong namataan
Inanod na yata ng bahang sukaban
Tanging alo ko sa puso’t kalooban
Alaala mo’y naging pataba ng sangkalupaan.
Ni: jimg29 noong Oktubre 27, 2009
sa 7:52 hapon
ang lalim naman ng mga katagang ginamit mo… hehehe
Ni: ianyce noong Nobyembre 6, 2009
sa 5:28 hapon